Njẹ ẹ mọ pe ipinlẹ Eko wa lara awọn ilu mẹwa ti owo gbigbe e rẹ gba ọpọ julọ lagbaye?
Ajọ iwadi ijinlẹ nipa ọrọ aje lagbaye, Economist Intelligence Unit lo sọ bẹẹ ninu abajade iwadii ijinlẹ kan ti wọn ṣe kaakiri orilẹede agbaye.
Bi o tilẹ jẹ pe ọpọ olugbe ipinlẹ Eko ni ko ni fẹ gba eyi gbọ nitori ohun ti oju wọn n ri lori awọn koko igbayegbadun bii ile gbigbe, ọkọ wiwọ, ohun jijẹ rira ati bẹẹbẹẹ lọ, ṣugbọn ajọ iwadii ọrọ aje agbaye naa ni sibẹsibẹ, gbigbe ni ilu Eko ṣi gba ọpọ ju ọpọ awọn ilu nlanla miran kaakiri agbaye.
Ilu Caracas lorilẹede Venezuela lo gba ipo kini, ti ilu Damascus lorilẹede Syria si tẹlee, ilu Tashkent ni orilẹede Uzbekistan, Almaty ni Kazakhstan ati Bangalore lorilẹede India lo tẹlee ni ipo kẹta, kẹrin ati ikarun ni ṣisẹ n tẹlee.
Image copyrightGETTY IMAGESKarachi (Pakistan) ati ilu Eko ni wọn jijs wa ni ipo kẹfa ti Buenos Aires ni Argentina ati Chennai India si tun pin ipo keje. New Delhi (India) lo wa ni ipo kẹjọ.
Ọgọjọ ohun amuyẹ bii ounjẹ, ohun mimu, igbokegbodo ọkọ, owo ina atawọn nnkan miran pẹlu owo ile gbigbe ni awọn ajọ naa gbe yẹwo kaakiri awọn ilu mẹtalelaadoje, (133).
Image copyrightGETTY IMAGESAgbejade naa wa ko ilu Paris lorilẹede France,, Hong kOng ati Singapore sita gẹgẹ bii awọn ilu ti o wọn julọ fun eeyan lati gbe lagbaye.
Zurich (Switzerland), Geneva (Switzerland), Osaka (Japan) , Seoul (South Korea), Copenhagen (Denmark) ati New York lorilẹede Amẹrika wa ni ipo keje ti Tel Aviv (Israel) ati Los Angeles (amẹrika) pẹlu ko gbẹyin laaarin awọn ilu mẹwa akọkọ ti owo ati gbe ibẹ gaara pupọ julọ lagbaye.